Wunpawng Mungdan Shanglawt Hpyen Dap, Hpyen Du Shalat Jawng a Masat Yan (4) jawng yu hpawng hte Daru Magam ahkang aya ap hpawng hpe 2010 ning May 29 ya shani Woi Chyai Bum, Daru Magam gawknu hta galaw ai lam chye lu ai.
Jahpawt hkying 7:30Am aten hta jawng yu lamang akyu hpyi ap hpawng, hkying 8:30Am aten hta jawng yu hpawng lamang ni hpe galaw ai.
Jawng yu hpawng hta Wunpawng Mungdan Shanglawt Hpyen Dap, Dap Awn Daju Du Daju Gun Htang Gam Shawng kawn jawng yu shatsam mungga jaw ai hta ngang kang hpring tsup ai Myu tsaw myit masa rawng nga ra ai lam, Daru Magam ahkang aya ngu ai gaw Ginjaw a gawng malai rai sai ngu ai lachyum re majaw ru yak jamjau ai lam shagu hta hkam jan ra ai lam shatsam mungga jaw ai. Matut nna Dap Awn Daju kawn Hpyen Du Jawngma Ningtawn Kasi kumhpa, Laili Laika Ningtawn kumhpa, Shaman Shakyang Ningtawn kumhpa, Sinat Gap Ningtawn kumhpa lu ai jawngma ni hpe kumhpa shagrau ya ai.
Shani hkying 11:00 am aten hta Daru Magam ahkang aya ap hpawng hpe mung matut galaw wa sai rai nga ai.
Masat Yan (4) Hpyen Du Shalat Jawng hta sharin awng la lu ai jawngma yawng marai (78) rai nna ndai hpawng hta Magam Dap Makan Dap shagu na Hpu-awn Myitsu Du Salang ni hte Jawng ma Kanu Kawa ni yawng marai (200) jan sa du kabu shang lawm wa sai lam hpe chye lu ai.
Dap Awn Daju kawn Jawng Yu Shatsam Mungga jaw nga yang
Masat Yan (4) Hpyen Du Jawngma ni ndai zawn grim rai nna Dap Awn Daju a mungga hpe hkam la nga yang
Jawng Yu Lamang hta Magam Dap Lithkam Hpu-Awn Du Salang ni hte Jawngma Kanu Kawa ni ndai zawn sa du kabu lawm
Dap Awn Daju kawn Ningtawn Kasi jawngma hpe kumhpa shagrau jaw
Hpyen Du Shalat Jawng Up, Lat Du Up Jum Labang Grawng kawn Daru Magam ahkang aya hte jawng yu Lekmat ap ya
Jawng Yu Hpyen Du ni a gawng malai Lat Du Dashi Zau Krang kaw nna chyeju dum mungga shaga
No comments:
Post a Comment