Jinghpaw Buga

MUNGKAN AIDS MASAT N’HTOI (World AIDS Day)

Knet; 2010 ning December 1 ya.

Mungkan AIDS masat ninghtoi (World AIDS Day) hpe Ginjaw Hkamja Dap woi awn ai hte, 2010 ning December 1 ya shani Laiza Muklum kata hta AIDS ninghkap shamu shamawt ai lam galaw sa wa sai re hpe chye lu ai.

KIO ginjaw ginra makau de, Myen hpyen n-gun, laknak n-gun n’nan jat

Lai wa sai mali ya kaw nna, Jinghpaw mungdaw a sinpraw maga, KIO/KIA ginjaw ginra makau hta, Myen hpyen n-gun, laknak n-gun n’nan ni bai jat bang dat sai re.

Miwa ga jarit mayan KIO ginjaw ginra ni rai nga ai, Laiza, Alen Bum, Laisin Bum hte Mai Ja Yang ni hte ni ai, Manmaw (Bhamo) mare hta Myen hpyen n-gun hte laknak kaba ni hpe, hka lam hte hkarang lam lahkawng hku, jat bang wa ai lam, myi-chyaw-mu buga masha ni tsun ai.

Amyu bawsang, democracy lam Su Chyi hparan na, Jinghpaw ni myit mada

By KNG


Myen mung democracy ningbaw Slgj. Awng San Su Chyi gaw, mungdan kata democracy gawde lam hte amyu bawsang manghkang ni hpe, rau sha hparan sa wa na matu Jinghpaw ni myit mada nga ai re.

November 13 ya, dum nta rim sharen tawn ai kawn lawt pru wa sai hte, Slgj. Su Chyi gaw, “amyusha mahku mara lam hte democracy gawde lam hpe matut galaw sa wa na re lam” tsun shaga wa sai.

Rim da ai kawn lawt pru ai hte, amyusha mahku mara lam hte democracy lam hpe matut galaw na, mungshawa de hkadahka jaw ai Democracy ningbaw Slgj. Awng San Su Chyi.

Myen-Miwa ga jarit shara mi kaw du nga ai, Matsat-4 (8-8-88) Jinghpaw jawngma ningbaw dingsa Slg. Awng Wa gaw, “Shi lawt wa ai gaw, anhte Myen mung hta democracy lu hkra shamu shamawt lam hta grai manu dan ai re. Bai nna, anhte bawsang amyusha ni hte Myen amyusha ni a lapran bawngban sa wa na lam hta mung, grai lu garum na re,” nga ai.

Ralata poi ngut ai hpang, dai ralata poi hta shanhte hpyen asuya a Pyi HKai Hpyu pati, n tara adang la ai hpang, Su Chyi hpe dat ai raitim, shi lawt wa ai gaw, Myen mungdan ting hta shi a lagaw lahkam ningnan bai lahkam hpang wa lu sai. Bawsang myusha ni yawng a matu mung myit rawt hpa re lam, Myitkyina e daju ai Wunpawng Amyusha Mungbawng Rapdaw (WMR) a komiti malawm Slg. Nsang Tu Awng tsun ai.

Shi bai tsun ai, “Amyu bawsang lam gaw democracy lam re, democracy lam mung amyu bawsang lam re. Democracy lam hte amyu bawsang lam gaw maren sha re majaw, democracy lu yang, amyu bawsang manghkang mung hpara lu na re.”

Asak kung Jinghpaw nu num lahkawng, roi rip hkrum

By KNG


Jinghpaw mungdaw, Hugawng Pa na asak kung Jinghpaw nu num lahkawng gaw Yuzana company amu galaw masha langai a hkum shan roi rip ai hte adup gayet hkrum sai re.

Ndai mabyin gaw November 13 ya shani byin ai rai nna, nu num langai gaw Wara Zup mare na re ai hte kaga langai gaw Nam Sai mare na re lam, chye lu ai.

Hugawng Pa maling mala hpe jak hte shawt shakrin nhtawm Kumshu hte Nai Kadung sun galaw nga ai, Yuzana company. Sumla: KDNG

Nu num lahkawng hte ni nawn ai ni tsun ai gaw, asak 40 daram re ai hpawmi gaw shinggyim roi rip hkrum nna, kaga asak 60 daram re ai nu num rai yang, ganoi malap hkra adup gayet hkrum ai re, nga ai.

Roi rip hkrum ai nu num lahkawng gaw, ja htu dabang nga ai, Yuzana company sun makau, Ban Kawk mare de gat dut sha nga ai hte, gat dut sa ai lam lapran, nam maling de dai, company masha wa, masu lau la na, ya na zawn roi rip wa sai re lam, dai lam chye ai buga masha ni tsun ai.

“Roi rip ai wa gaw shi dai zawn galaw ngut jang shanhte hpe tsun ai da, ‘ngai gaw 99 (company shara) kaw nga ai re. Ya na zawn byin mat ai hpe, tawng ban ai, ya hpang de bai hkrum ga’ nga tsun na mat mat ai,” nga nna, ndai mabyin hpe chye ai buga masha langai KNG de tsun wa ai.

Aung San Kaw hpe Dat Ra Masai

Myen hte SSA-N, matut gap hkat ai lam n nga

By KNG

Lahta Sam mung, Myen hte Sam hpyen, Shan State Army-North (SSA-N) lapran, November 11, mana de kalang bai gap hkat ai lam byin wa sai raitim, dai hpang matut gap hkat ai lam n nga ai hpe chye lu ai.


Myen hpyendap ni shawng gap ai majaw, SSA-N daju makau, Kunkieng-Wan Lwe kahtawng e minit 45 ram gap hkat wa sai re.

                                          SSA-N hpyenla ni. Sumla: Shan Herald Agency for News

USDP gaw Hpakan e mungchying masat majoi htuk jaw let, shawa zinlum

 By KNG

Jinghpaw mungdaw, Hpakan e mungshawa datkasa hku ralata hkam na, Myen hpyen asuya a shingnan pati, Pyi-Hkai-Hpyu (USDP) a Slg. Ong Myit gaw, Hpakan buga masha ni hpe aten kadun Mungchying Masat Lakmat ni htuk jaw let, ralata zinlum nga ai re.

Nsam ahtoi re ai, Mungchying masat lakmat gaw pa de lema 6 rai nna, sumla n lawm ai sha, lang ai wa a mying, hkring dat hte “PKK (Phakant Kachin)” nambat ni hpe ka tawn da ai lam chye lu ai.

“Yayi kat (aten kadun lamat) ahtoi mat pung ting PKK (Phakant Kachin) kaw nambat ka shakap da ai hpe jaw ai re. La-wa-ka kaw na jaw ai re ai,” nga nna, Hpakan, Seng Tawng mare na salang langai tsun ai.

Mungchying masat lakmat htuk jaw ai lam hpe, seng ang ai, kahtawng rung kaw, mying bang da ai ni yawng hpe, Slg. Ong Myit hte La-wa-ka kawn pawng nna, Pyi-Hkai-Hpyu hpe ralata me jaw na matu, manu jahpu n la ai sha galaw ya ai rai nga ai.

Wunpawng Mungdan Shanglawt Hpung (K.I.O) Masat Ninghtoi (50) ning hpring masat dingsat hpawng galaw.

Kachinnet 2010 October 25 ya.


2010 Ning October 25 ya shani Laiza Muk Lum Sinpraw Majoi Gawknu hta Wunpawng Mungdan Shanglawt Hpung hpaw hpang ai (50) ning hpring masat dingsat hpawng hpe ngwi pyaw awngdang ai hte galaw la lu sai lam chye lu ai.

Myen a shingnan pati, dinghkrai salang ni shawa hte hpa n seng

BY KNG

Jinghpaw mungdaw e ralata poi shang na, Myen hpyen asuya a shingnan pati hte dinghkrai datkasa ni gaw, mungmasha hkam sha lam hpe, shanhte a ralata poi shawa zinlum lam galaw shagu, tsepkawp n jahta ai lam chye lu ai.

Ya ten, Jinghpaw mungdaw kata kaba dik byin nga ai manghkang gaw, Myen-Miwa jawm pawng nna, Mali Zup e hka wanjak kaba gaw gap nga ai lam hte, Hugawng Pa lamu ga Eka sen 4 jan hpe, Yangon na U Htay Myint woi awn ai Yuzana Company magra la ai lam re.

Munggu e pyi-tu-sit 3, pyada langai mayun gap sat hkrum

Sam mung, Kachin Sub-state kata Munggu mare, shawng de Mungsa La uphkang ginra hta, pyi-tu-sit 3, pyada langai gaw, lahkawng ya laman matut manoi, mayun gap sat hkrum sai re.

Lai wa sai bat kru ya, October 23 ya shani, hkying 1 kawn 2 lapran, shawng de Masat 1 Munggu Pyada Dap, ya, pyi-tu-sit dap hta, pyi-tu-sit marai 3 mayun gap sat hkrum nhtawm, shanhte a Miwa sinat masum hte sinat pala ni (M-22 langai, M-21 lahkawng hte pala 200 jan) gashun la mat ai lam, buga salang langai tsun ai.

KIO, kani shamyit masing yat yat hte shaja galaw wa

By KNG

Myen hpyen asuya gaw shi a November praw 7 Ralata Poi hta amu kyin nga ai ten, Wunpawng Mungdan Shanglawt Hpung (KIO) gaw, tinang kani pat jasan masing hpe yat yat hte shaja galaw nga sai.

KIO gaw, ndai October 15 ya hpe jahtum nhtoi masat nna, Jinghpaw mungdaw kata kani nanghpam tsepkawp pat hkum kau dat ai, dai nhtoi kru ya lai ai hpang, kani nanghpam lu sha htu marawp ai ni hte kani hkai, kani shalai ginlen, dut hpaga galaw ai ni yawng hpe  “hkamdaka jaw yin la shangun ai laika (form)” ni garan jaw nga sai re.

KIO hpe “kasi hku shamyit kau sana”, Myen HMD Ting Tsing tsun

By KNG

Wunpawng Mungdan Shanglawt Hpung (KIO) hpe “kasi hku shamyit kau sana re lam” Myen hpyen asuya Hkringmang Daju Dukaba Ting Tsing gaw, lai wa sai bat mi jan, ndai September praw de tsun mat wa sai re.