2010 Ning October 25 ya shani Laiza Muk Lum Sinpraw Majoi Gawknu hta Wunpawng Mungdan Shanglawt Hpung hpaw hpang ai (50) ning hpring masat dingsat hpawng hpe ngwi pyaw awngdang ai hte galaw la lu sai lam chye lu ai.
Wunpawng Mungdan Shanglawt Hpung (K.I.O) gaw 1960 ning October 25 ya kaw nna dai ni 2010 ning October 25 ya hta asak 50 ning hpring sai hte maren jahpawt hkying 10:00 am. aten hta makam masham hpung ni woi awn let nawku lamang hpe galaw la lu sai hte Wunpawng Mungdan Shanglawt shpung shang majing (P.F.)ni a ga shaka hkam la ai lamang hpe matut galaw mat wa ai, ndai hpawng hta ga shaka hkam la ai P.F. yawng marai (61) re hpe chye lu ai.
Matut nna Wunpawng Mungdan Shanglawt Hpung Tingyang Up a (50) ning hpring (K.I.O) hpaw hpang ai masat dingsat mungga hpe Slg. Tsinyu Hkun Nawng kawn hti n dau dan ai hpang Salang Kaba Labang Doi Pi Sa kawn K.I.O. labau hpe tsun hkai dan ai hte (50) Ning hpring K.I.O masat nhtoi awngdang ai hte galaw la lu sai lam chye lu ai.
No comments:
Post a Comment