Laiza Muklum Masat (1) Mungshawa Gat Wang hta nhtoi 24/10/2010 ya shana hkying 12:00 Pm. grup-yin ten e Wan Hpyen Hkrum hkra ai lam na chye lu ai. Ndai mabyin lam hte seng nna, seng ang ai lit nga ai hpu-awn ni hte Laiza Muklum Uphkang Rung ni kaw nna, mabyin n-pawt lam hpe matut sagawn nga ai.
Wan hpyen byin ai ten shana yawng yup pyaw ai ten rai nna gat wang kata malawng hkru hten run mat ai, masha hkala n ba ai lam gaw ya yang du hkra tup hkrak n chye lu shi ai.
Wan Hpyen Hkrum hkra ai Masat (1) Mungshawa Gat Wang kata na gat dut mung shawa ni hpe Laiza Muklum Uphkang Rung kaw nna hpaw shabawn dat ai Lanu Lahku Komiti hku nna lakawn lanawn woi zinlum la sai lam na chye lu ai.
No comments:
Post a Comment