Mani du hkra, nhtoi manga ya tup galaw, 36 lang na JHZ, J.W Hkalup Hpungshawa Zuphpawng hta, Rev. Dr. Hkalam Sam Sun hpe JHZ a tsaw dik, amumadu kaba n’nan hku nna, Hkalup shawa ralata shagrin dat sai re.
Rev. Dr. Hkalam Sam Sun, KBC amumadu n'nan.
Ndai gaw, amumadu shara a matu J.W Hkalup Hpung Ginjaw (KBC) a EC kawn lata tang ai masha 2 hpe hpungshawa ni n lata ai sha, shawa kawn ading tawk tang shawn ai Sara Sam Sun hpe mahtang lata ai lam, rai nga ai.
Sara Sam Sun gaw, shawng e Myitkyina Ginwang Hkalup Hpung a amumadu magam lit hpe ningdaw 2 lang jan galaw yu sai re.
Bai nna hpungshawa zuphpawng hta, KBC ningbaw, ningtau ningbaw hte KBC ginjaw rung npu magam dap 20 a hpa-awn ni lata shagrin ai hta mung, nkau dap hta hpa-awn ningnan galai bang nhtawm, nkau hta mi na dingsa ni hpe sha amu gun ladaw bai jat ai re.
KBC a gawda tara hte maren, KBC ginjaw rung amu gun masha langai gaw, amu gun ladaw ningdaw 2 lang (8 ning) hta lai nna, n mai gun ai.
Ndai lang na Manmaw Hkalup Mungshawa Zuphpawng a laklai ai lam gaw, KBC (shawng de Ninghtan Hpung ngu shamying ai) byin pru wa ai 100 ning hpring “Jaw Poi” chyeju shakawn akyu hpyi lamang hpe mung, du sa ai hpungshawa ni yawng, grai hkam sha let Karai Kasang kaw hpyi nem let galaw lu ai lam re.
Bai nna, laklai lam lahkawng hku nna gaw, ya ten, Jinghpaw mungdaw kata Myen hte Shanglawt (KIO) majan bai byin na zawn re ai ten hte hpungmasha ni lu na sha na lam grai yak hkak hkrum nga ten, poi madu ni tak da ai hta, masha grau law du sa ai lam re.
Tara shang jahpan shang hpungmasha mun 4 jan du ai raitim, mying jahpan n bang ni masha ni mung naw nga ai lam, poi madu tai ya ai Manmaw buga hpung hku chye lu ai.
KNG kaw na la bang ai
No comments:
Post a Comment